A Banda de Mosica

Ya con o miyo saxo en las máns, y continando con ás clases de solfa (mal plán..) dople treballo ta un nino mal estudián, y antiparti sin garra intrés por la mosica. Ascape y plego l’estiu y rematé a coscorróns o segundo rán* de solfeyo y segundo libret. Con o saxo ya i lebaba bellos meses d’aprendizache, tres diyas por semana, os que teneba clase, alto u baxo d’una gora. Cada diya, ne iba de pior ganica, con os dos mayestros, muitos diyas me’n iba a ras clases cuasi sin estudeyar. O mayestro de saxo yera mas groxiable, y nunca no me tocó, pero yera próu estrito con as notas tenidas. Remero, lo que cuitio me aconsellaba, yera que fese muitas notas tenidas, a lo menos una escala natural, que n’ún saxo, cuasi ne son tres de puyada, y atrás tantas de baixada, y unatra escala cromatica, también de puyada como de baixada. Podeba estar bente menutos u meya gora de notas tenidas, lo peyor ta un bezino, y profes que ta uno mesmo.

Ya pasau l’estiu, y las bacanzas, ya en l’agüerro, escomencipié as clases con os dos mayestros, con o mayestro de solfa, ya no ne dimos mas solfeyo, y empezipié* con o saxo también, solo que a tañer bella prozesión, bel pasodoble, as clases ya n’estarban mas piezas que’n las teneba sentidas. Cuasi tenaba clase tos los diyas d’a semana, y yo, sin poder chugar por as carreras con a resta d’os ninos, «¡¡qué fastio* con o que me cuacaba chugar al pilotón!!». Yo continaba sin estudiar lo que yera menister, y lo mayetro de solfa también lo i feba con los suyos trucazos en lo miyo tozuelo. Ya con treze años, me amolaba muitismo, pero china chana, y pando pando, pos continé, profes que a trepuzóns, con os dos mayestros.
Ya cuasi levaba una añada de saxo, cuan un diya ta la Purisma, o direutor d’a banda y mayestro miyo de solfa, me dizié: ¡¡Maitín ye La Purisma!! Biene-te-ne ta ras zinco, ta ra ilexia, ta fer la prozesión con a Banda de Mosica. ¡¡Bai ome… me pensé!! ¡¡Tremoló todo lo miyo cuerpo y escleto!!

Yo no me sentía parau. Toda ra nuei y diya estie pensando y dandaliando, teneba muita bergüeña y medrana. En casa miya no dizié garra cosa, perque ta eros ese estau una fiesta, y abe-se teniu que ir ie, y yo no ne quereba. En plegando la gora siñalada, ya con 24 goras de cabilazión y dandalos, yo Chuán, encuenta de pillar o saxo y de ir ie con la Banda, bá, y me pillo atra endrezera, y me’n boi ta los cambos ta amagar-me y perde-me, en as ribazeras, y en meyo d’os panizos, ta que me dasen a calor que amenestaba en ixe inte de bergüeña, por estar tan falso y gallego*, que yera como me’n sentiba.

A los dos diyas beniéns, teneba ra clase con o Direutor y mayestro, y ya no podeba amagar-me. Yo con muita medrana, me’n sentiba como un paxaro sin alas, y antimás empliu de bergüeña, y sin denguna desincusa que dar-li-né. Bi plegue ta clase, me se miró o mayestro, y sin dizir ista boca ye miya, empezipiamos la lizión como cualsiquier atro diya.
Yo no lo podeba creyer, pero no me’n dizie pón, ni brenca ni meya. Me parixe que dende ixe diya nunca más me tocó con os suyos didos. Ya, a lo poco tiempo bi abié atra autuazión y yá no me quedó atra que contar-lo en casa miya, y ir-ie, me creigo que estié ta la prozesión de San Bastián.

Lugo empezipioron os ensayos d’a colla* de cara t’as Fiestas d’a Patrona, y ya no aturé de fer tot os ensayos y autuazións qu’eba la banda. No remero cuán, pero a lo poco tiempo, rematorón os miyos ensayos con o mayestro en casa suya, lo que ta yó estie una liberación prexonal. Agora solo eba que fer as clases con o mayestro de saxo, que tampó no estudeaba, pero encara con desgana ne iba tos los diyas que eba de clase. As prebatinas* d’a banda tampo no me cuacabán, n’estarba un nino encara y me beyeba arrodiau de biellos (ta yo lo yerán) de trenta, trentaizinco, cuaranta, cuarantaizinco años, que no teneban cosa que beyer con yó. Teneban un mal costumbre que nunca no lo podié adempribiar*, que me fe-sén saber que yera un zagál nuebo, con o costumbre que i teneban, de que lo maletín d’as partituras de tos instrumentos, lo teneba que lebar yó, que «pa ixo yera lo más pardal*». Ya que por tradición, o zaguero que bi plegaba li pasaban la risponsabilidá d’as partituras, y lebar l’atril miyo, l’atril d’o mayestro, la caxa d’as partituras, y lo miyo saxo. Usiga que nunca podie entender como podeban cargar a un nino, con todos trastes y ¡¡os mayors con as manos en a pocha!! Ye agora cuán repleco, que ixo no yera garra bién, y que no yera d’estraniar que me sentí-se mal, perque yo gúei no l’abese adempribiau nunca, q’ún nino estase cargau, y os omes con as máns en a pocha, y lo fumarro n’a boca… bai… millor ixublidar. A la resta lis ne parixeba normal, pero a yo que me’n beyesen como un pardal, y que tene-se que lebar-lis-ne as partituras, me feba sentir-me.. asabelo mál.
Yerán cosetas d’ún nino. Pero como n’antis ne he dito, me i feban sentir-me más pardal con todos aqueros «biellos» y con ganicas de jopar «d’ixa garchola» que ye lo que ta yo n’estaba La Banda. Ya con dezisais años alto u baxo, Pietro lo mayestro de saxo, me dizie que yera prou, que ya ras clases se’n eban rematau.

Que liberación podié sentir ie ixe diya, ya solo me’n quedaba que os ensayos d’a banda. ¡¡Equilicua*!!
La liberación cuasi me’n eba i plegau. Dende ixe diya solo estudeaba (per dizir bella cosa), mas yera leyer bella coseta d’as nuevas partituras en casa, y as prebatinas n’eyeran que os ofizials d’a Banda y prau. O saxo penchau denzima de l’almario d’a miya cambra, que yera o suyo puesto cutio. En ixas, con diezisiet añadas, un amigo quereba parar una colla mosical, y pensó en yó. Un diya que mos trobamos per a carrera me’n dizie, que si quereba ne-ir ta lo suyo lugar a ensayar, li dizié a «retapelo» que sí», pero mal feito per yó, li teneba que aber dito que nó (ye que no sabo dizir nó, y abegadas cal dizir nó), y li fazie «burro falso» perque pensé, en que no me sentía parau y continaba tenendo bergüeña, antiparti lo suyo pai yera un buén mosico y sentiba medrana de que dasen bozes, más que más a lo Mayestro, per miramiento a lo que podeba pensar de yo. Antimás teneba que ir ie con o saxo dos quilómetros dica atro lugar, con o saxo, y en bezicleta. Asinas estié que o diya que quedemos ta ensayar, no ne fué bi, y sin dizir-li-ne cosa (mal feito), prexino que me’n estioron alguardando, pero Chuán no ne fue, ni ixe diya ni dengún diya más. N’estié mal feito por yó, por no saber dizir nó. Ye que sentiba encara asaber-lo bergüeña y medrana, no sabo per qué, prexino que per bel complexo, más que más, sicoloxico. Lo malo ta yó, que n’estié un ascla qué’n he lebau n’o miyo corazón como un clau, toda la miya vida, y encara no ne he podiu quitar-lo-me d’o miyo tozuelo*. Buen diya amigos d’a Garzeta d’a Ribera alta.

Boi a rematar por güei dizindo, que ya recién feitas as dezinueu añadas, cuasi pillo una deprexión por perder o treballo, la miya maí, que me’n beyeba tan mál (as mais no amenestan parolas ta saber como s’en troban os fillos), me proposo ya cuasi en primavera, i-me-ne a treballar ta Irún. En primeras no replacaba a la miya maí, pero adempribié o suyo ofrizimién.

Atra liberación ta yó, per primera begada me’n trobaba libre en a vida, y antimás estié la desincusa perfeuta, ta espenchar-me «d’os miyos dandalos d’a Banda y d’os biellos». N’o primer ensayo que n’abié ya ta parar as fiestas, con una miqueta de bergüeña, pero ya un mozet, y la fuerza de saber que yera la fín d’os miyos poblemas mosicals, me bi amané ta l’ensayo, per primera begada sin saxo, y con una miqueta de bergüeña, pero muita alegría, ubri a puerta d’o local, me quedé de pié, como ne feba cutio o mayestro, me mire a toz, a lo miyo arredol, y sacando fuerzas d’alegriya, empezipié a charrar, estiorón poquetas parolas, pero as chustas: Biengo a diziros-ne, que ya no boi a Benir-ie a ra Banda, la semana benién mé’n boi ta Irún a treballar, y ya, nunca y tornaré ie. En o silenzio de toz, podíe ascuitar, una bot trista.., y bel, ¡baya! perdius… A bot diziba.. ¡¡Pos si los más chobéns se’n bán..!! Yo mirando-me a toz debet, y a denguno, espeté.. Adiós, ubri a puerta y me’n fué ie. Ya en a carrera me’n pude sentir-ie libre a la fín.

Rán: curso
Empezipiar: empezar
Fastio: asco
Tozuelo: cabeza
Gallego: cobarde
Colla: banda
Adempribiar: aceptar
Pardal: aprendiz
Equilicua: viva
Prebatinas: ensayos.