Fablorelatos

De Borxa a Irún

Foto tomada de la página https://www.vinotecamendibil.com
Foto tomada de la página https://www.vinotecamendibil.com

Ola amigos boi a continar rezentando os remeros en o miyo aragonés, que’n son a miya bida, y con l’aragonés en a miya bida.

La miya nueba bida n’o Pais Vasco estié como un lampit (relámpago o chispa eleutrica) dende o primer diya.

Estando a primeros de febrero de 1972 y yo con rezien feitos diezinueu años, perdí o miyo treballo en o lugar, ne perdí, per demandar un sueldo de 25 pezetas la gora, lo que ta qui eba estau o miyo mayestro, en pensó que yera muito y que no podeba bosar-ne, asinas que me forachitó y me’n quedé sin treballo.

Iste chasco que yo mén lebé con o miyo mayestro, y ta yó per allora un mirallo y exemplo de prexona, que lo quererba cuasi más que a lo miyo paí, me trestuco lo tozuelo, y cuasi pillo una deprexión, güeno que la pillé.

Prexinaba, que o mundo  me se’n beniba denzima. Tos los diyas yera en casa, y antiparti, per as nueis me’n asentaba n’a tabierna y dica que no zarraban, no i tornaba enta casa, a ras dos u as tres, “a ras tantas “.

En beyendo ista situgazión, a miya maí Miragros y o miyo paí Teodoro, aprobeitando que eban beniu uns diyas a casa d’o miyo tiyo Pascual, José y l’Antonia y que dixoron a Loli filla de l’Antonia uns diyas de bacanzas, charroron amagatóns de yó, con José y L’Antonia, que bibian en Irún dende feba muitos años ta mirar de quitar-me-ne d’ixe contornillo, de tabiernas y deprexión, en d’o me i beyeban ficau, y que a los miyos país no lis ne cuacaba brenca, ta yó.

José, yera o chirman de Sagrario, la miya tiya pulitica, muller d’o miyo tiyo Pascual. Y l’Antonia yera a muller de José.

La miya mai que eba estau guisandera profesional, cuan se’n casoron José y L’antonia, combidada per eros, estié n’o suyo casorio, guisando-lis-ne y parando toda birolla que fazión ta ra familia, profes que de gufaña, asinas que ixo fazie que a rilazión de José y l’Antonia con os miyos país esta-se prou buena, cuasi de familia.

Dimpues eros, estiorón combidaus n’a miya comunión, y ya ta cutio, se’n leborón  prou bién, y con muita confitanza.

He de dizir amigos, que cuan i plegue ta Irún acompañau per Loli a primer filla de L’Antonia y de José, me’n lebó ta casa d’os suyos pais, que no yeran familia direuta de yó, pero que me azeutaron como un fillo. As dos suyas fillas Loli y Maribí m’en rezibiorón, como a un chirman dende o primer diya, y yo, profes que a eras, as ne trataba también como un chirman, como no podeba estar d’atra traza.

A lo diya benién de mi plegada ie, m’en fue a escar treballo, y n’a primer interpresa que pregunté ya ne trobe, yera n’una interpresa d’Irún, ta treballar de pintor n’una obra que i  teneban nueva en Fuenterrabia.

N’ista interpresa m’en faziorón o primer cotrato de treballo que eba teniu en a miya bida, con seguros soziáls ta cuatro u zinco meses. Yera en a primavera  d’añada de 1972, y uno d’os primers que se’n fazión n’Epaña, perque dica ixa calendata no yera premitiu fer contratos asinas, de meses. Qui empezipiaba a treballar n’una interpresa, si en yera mas de dos diyas de prebas y no l’eban forachitau, automaticamén a lo tercer diya ya ne yera fixo n’a plantilla. Nada que beyer con os contratos de güei.

Cuasi t’ol mundo ne yera fixo n’o suyo treballo, con a seguranza que ixo dá ta una familia. Ye berdá que a chén no ganaba muito, pero amigos… ixo de saber que maitín no te’n mancaba o pán en casa tuya, yera un luxo, y baleba un baler.

As chornadas ne yeran de 44 goras semanals, per as que mén bosaban a cuaranta pezetas a gora, 320 pezetas diyarias, encara que los mainates, (jefes) ne yeran encantaus con que i fese-nos muitas goras estras, asinas que yo, a lo menos me i feba dos goras diyarias estras,  perque yera goyoso con lo miyo treballo y perque como ne yera tan choben, nunca no me cansaba. Bella vegada me’n quedé treballando, dende o punto d’o maitin dica as güeito d’a tardi, chentando solo que un entrepán y una botella de lei.

Os mainates teneban plena confitanza n’os treballadors, cadagún lebaba as goras feitas n’a semana apuntadicas, y nunca no sintie que a dengún li’n ne dizisén que ne abensen metiu de más. Ne yeran atros tiempos, en d’o la confianza y a risponsabilidá ne yera atra diferén, a ra que güe bibimos.

He de dizir que’n lo miyo lugar per fer o mesmo m’en bosaban nuonozientas pezetas a ra semana, u 30 duros diyarios, per treballar diez goras diyarias de lúns dica o sábado, 60 goras semanals.

Yo con diezinueu años me’n trobaba goyoso y felit n’a miya “nueba“ cuasi familia, de L’Antonia y José y as suyas fillas.

José yera un artista auto didauta, con os pinzels y espátulas. Pintaba con l’oleo y cutio en tenaba parau bel lienzo n’o caballete, y bella obra sin rematar, de la que yo aprendaba, y en cualsiquier inte, er ne yera retocando, seguntes la sentiba, dica que la remataba y empezipiaba con atra.

Yo también feba bella coseta con os oleos pero no como er. Perén he abiu pinzels y espátulas en casa miya, y m’ha feito goyo pintar bella coseta, encara que m’ha mancau la continida, que amenesta cualsiquier arte.

L’Antonia yera una grán muller que treballaba cutio dende lo maitín dica ras diez de la nuei, solo lo i feba, ta poder nimbiar a Loli y Maribí as suyas fillas, ta un internau difuera d’Irún ta que estudeasén.

La pobreta Antonia eba abiu mala suerte d’aber naxiu n’una epoca malisma ta ras mullers, y de abe-se trobau con una mala prexona, que l’eba amolau ta cutio a bida.

Era teneba cuarantaicuatro añadas y yo diezinueu, y l’ascuitaba con muita pena os suyos penars, que li marcorón perén.

Ne pensaba que as suyas fillas también la podeban mirar mal, y que no lo entende-sen que eba estau una mai soltera. Asinas que sufriya muitismo. La suya familia, todo chirmanas, no l’aduyorón guaire, a pobreta se’n trobo solenca cuan más amenestarba una maí que l’aduyara, y con una polidisma filla que eba trayiu to mundo.

O peso que ixo n’eyera per ixa época con a soziedá, que t’ol mundo per o baxo, amagatóns, ya ras ne trataba de tunas (putas) y ne yeran dispreziatas per as suyas familias y malos amigos.

Maldita morfuga que se’n eba creyau ta ras pobretas zagalas, a mayor parti unas benditas, que’n teneban a rasmia y balura de trayer a nueva bida ta lo mundo, que’n yera a suya bida, en sabiendas, de lo que lis ne alguardaba dimpues… todo un penar.

O malbau pai d’a criyatura, que no la querie ni tan sisquiera conoxer, y ser responsable d’o suyo fillo, disaparexie sin dixar garra mazelo y l’Antonia preñata. Parixe estar que’n estarba un taute d’a pulizia, y n’ixas anyadas ne yeran es amos.

Asinas ye que de cuan en bet, me i trobaba de confesor con diezinueu anyadas. Yera todo un pribilexio ta yó.

L’Antonia m’aduyó a beyer a ras mullers d’atra traza de como yo las ne eba visto dica ixe inte. Era yera ta yo cuasi como una mai, y nunca no me cansaba de ser ie con era, charrando, y con José, con os suyos cuadros. De feito, os cabos de semana cuasi no saliya de casa ders, yeran es millors amigos que ne eban ie. Abegadas pienso tamién, que eba de amolar-lis-ne un poqué, perque no lis ne dixaba tiempo, ta l’aimor d’una parella. Pero rai, yo, ni tan sisquiera pensaba n’ixo. Prexino que como ya los beyeba mayors, me pensar-ba que no teneban ya cosa que fer, (y como ne iba yo a pensar n’ixas nezesidat umanas…)!! La inoranzia no ha de maldat, asinas que ¡¡Raí!!

Dende que i plegué, me’n diorón clau de casa suya, y como si n’esta-se a casa miya, ne iba y tornaba cuan m’aganaba a cualsiquier gora d’o diya y a nueí. Con yo estiorón unos santos toda familia, y me’n fazión madurar y beyer a bida dende atra ambiesta muito más grán. Yo diziria que m’iluminorón, y diorón luz a ra miya vida. 

Atra cosa importán que trobe n’o País Vasco y que me cuacaba pero no entendeba, yera a suya Fabla Vasca. N’as ziudad mas importáns no se sentiba charrar per dengún puesto, ni per as casas, solo qu’en es caserios, anque no guaire n’as ziudad. Yo n’Irún abegadas m’amanaba ta lo Mercau d’Abastos (que i teneban, prexino que encara ne tiengan) solo que per sentir a ras caseras que y baixaban con es güeis y es carros, d’os caserios, ta bender as suyas fruitas y verduras, y beyer como es güeis atendeban as suyas bozes en Vasco.

Foto cogida de https://www.todocoleccion.net/

Me feba muito goyo sentir-ne, y asinas estié como sin parar cuenta, per bella cosa, que no se’n puede saber, sin querer-ne, de bella traza me i nimbiaba enta l’aragonés, per allora desconoxiu per yó, que no sabeba ni que existiba n’Aragón.  Me’n beniban es remeros d’aqueros esquiladors, de casa de Tió Guillermo y la Tiá Mariya, que yo no entendeba lo que i deziban, y que tamién charraban, también como istas caseras, con a suya luenga vasca, que si sabeba que’n yera parti de Euscadi, y que tampó no replecaba, pero que me cuacarba ascuitar.

Ye berdá que siento bella embidieta, en beyer como fan zincuanta añadas en o País Vasco, cuasi teneban perdiu o Vascuence, a luenga milenaria vasca, y han estau muito gráns, en saber recuperar-ne, fendo-ne oficial, y aprendendo-ne todo Euscadi.

Ya quere-se yo ixo ta la nuestra chiqueta luenga aragonesa, tamien cuasi perdida, y a begadas mal clamada Fabla.  Perque la parola fabla sinifica habla, y fablamos cuan charramos, pero si femos referenzia a l’idioma aragonés diziremos que ye A Luenga Aragonesa y nunca nó Fabla aragonesa. Prexinatz amigos que a lo Castellán li clamamos solo l’abla Castellana en vez de Lengua Castellana, ¿en quedar-ba baziba berdá?

De tas manieras l’Aragonés y lo Vascuenze  comparte muitas parolas, como muga=linde, limite, frontera, güega- frontera,  un atras muitas. En ye perque cutio emos abiu mugas con Nabarroa en d’o se charra o vasco. Ye una custión de bezindá, y compartir territorios. As Zinco Billas estiorón territorio Vascuenze, fan milentas d’añadas.

L’aragonés ta yó, ha estau cutio, una mena de trencacapezas, que m’ha siu un crebatozuelos, con muitas carencias, per no aber-ne habiu una escuela ta apreder-ne de nino, como l’han feito es vascos, es gallegos, cataláns, ezt. y más que más, per l’amagau que l’han abiu con es aragoneses perén. A pulitica, y os puliticos, leban, mas de treszientas añadas castellanizando-nos-ne, en tat as dembas d’a soziedá Aragonesa. Tamien yo prexino que ye perque n’Aragón no hemos abiu a rasmia que s’amenesta, “ta saber esfender a nuestra cultura, O Folk nuestro “l’autentica cultura d’Aragón y unica n’o Mundo… la milenaria cultura aragonesa. Pero per disgrazia todos es nuestros lolos han siu estaus analfabetos, dica fan 60 u 70 añadas, poqueta cosa podeban fer-ne ie. Cosa que dizir-lis-ne…  pobrez. Cuan a istoria no se conoxe u se’n ye mal conoxida, difizimén se’n puede aimar.

Yo soi con l’aragonés a empentóns, con o miyo crebatozuelos u trencacapezas, remerando parolas, y feitos bibidos, leyendo bel libro, remerando a Ra Tiá Mariya y Lo Tió Guillermo, en o suyo siestro y es Pastors Chesos, esquilando es güellas. Con es remeros d’a escuela de Dón Domingo, (o millor mayestro que yo en tenie) que n’una clase de luenga, mos charró de que n’España solo se charraba castellano y que a restas d’as fablas solo yeran que dialeutos d’o castellán. Y mesmo cuasi mos dizie con a boca chiqueta (lo dixo cayer) que o Vasco también en yera un dialeuto do Castellán.

No sabo perqué, istas chiquetas piezas m’en se’n quedorón grabadas, pero ne fue asinas, y agora las i achunto todas, ta atrapaziar o miyo, trencacacapezas de l’aragonés y d’a miya vida aragonesa, que la siento enreligada, pero como a siento y puedo la rezento. Continaré amigos.

s r

Deja una respuesta

Esta web utiliza cookies propias y de terceros para su correcto funcionamiento y para fines analíticos. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos. Más información
Privacidad