Tradizións

Buen GaRzeta, y buen cabo semana ta toz.

Ya ban cayendo as fiestas,
Os Pilars ya s’en ban a rematar,
parixe que por ahora,
o chupinazo de despedida,
no se i dará.

Aguardo que nunca no i plegue,
en dengún lugar d’Aragón,
al rematar as fiestas,
con ixa canta Pamplonica,
que dit pobre de mí.

No lo digo perque no me cuaque la canta,
en yé perque no me fa goyo
copiar,
encara que siga bueno,
costumes d’atros lugars,
más que más,
si ya en son tradizionals,
y o Probe de Mí, en ye ta los pamplonicas, y ye una tradizión.

Isto biene a cuento,
que cada autonomia y ziudá,
ha as suyas tradizións,
y cal aber-les rispeto,
y no en ye rispetuoso copiar os costumes,
pienso que i son sagradas.

Per atro costau,
Astí toz i nimbiu un pasacarreras de chiflos y chicotenes u salterios,
e n’istos chiquet bideos,
con palotiaus aragoneses,
y bailables ta gaitas, feitos y tañidos con es chiflos.

Ya cuasi s’en ye fendo tradizional,
ista Ronda,
que i femos en Zaragoza ta es Pilars,
y arredol d’a nuestra Seo,
per carreras, plazas y carreróns.

La mosica que tanyemos,
ye mosica aragonesa de raso
son danzes de lo nuestro pirineo, ya compuestos fan sieglos ta fer onra a los santos y birchenes d’a nuestra tierra.

Aguardo GaRzetica que te cuaque,
y que sabas qu’en Aragón cutio y dende fan sieglos imos emplegau ista parella de trastes mosicals,
asinas como gaitas,
que encara muitos chirmanos aragoneses ne disconoxen,
y as cosas que s’en disconoxen,
difizilmén s’en pueden aimar.

Aguardo que te’n cuaquén amiga.