San Bastián

Buen diya GaRzeta y amigos.

Ya se i pasó San Antón,
y.. pa San Antón,
meyo chinero pasau.

Agora biene San Bastián..

Pa San Bastian, gosamos dizir que.. «gora y más «

«Ista antiga mazada mos biene a dizir que en plegando ta San Bastian ya abemos una gora más de lut solar.

Y atra begada con xeras
per as plazas y carreras,
y en es calibos que i quedan,
rustiremos..
allos, trunfas, blanco y brunos.

En muitos lugars d’o Reino d’Aragón,
ha quedau bellas costumes,
de fer onra a es santos,
y prinzipalmén,
a es santos de l’imberno.

Y ta, fer-lis-ne,
cutio i feban bella borina,
con «lifara» y buen bín ranzio,
de ixos de 18°,
que cuan pasa per a gargamela, se i siente cremar, y parixe mos raspa.

Ista calendata,
encara ye buena ta fer a matazia y o mondongo.

En muitas casas,
o tozín se i mataba,
y aprobeitando ixe diya,
que o mondongo ne feban,
con alegriya y borina.

En a familia, con muita felizidá,
todos arrimaban o guembro,
en as fainas,
ta tener un gronxiable diya,
mesmo en o treballo,
como en a chenta y borina.

Isto diziban es biellos antis-más per istes diyas..

Ta o bente de chinero San Bastián ye o primero..
detente Barón.. que o primer, ye San Antón.

Goyoso y felit diya GaRzeta.