San Antón

Güe ye San Antón,
patrono d’os animals.

Cuan Aragón yera cuasi de raso, un pais, u territorio agricola,
cuan en todas u cuasi todas Pas casas bieba animáls,
cuan e n’as casas si quereban minchar carne, la eban de criyar cada familia en os suyos corrals,
y si quereban treballar a tierra yera menister tener abrios en casa, u atros bestiars, ta cudiar de as malotias solo podeban fer que endrezar-sen ta lo zielo u fer bel conchuro maxico.

San Antón Abad, yera muito benerau per toz os creyéns,
endrezando as suyas suplicas y orazións enta er,
ta que cusirar-se os suyos animáls de todas as plagas y malotias preséns y esdebenideras.

Una casa sin abrios yera una casa probe,
a lo menos eba d’aber bel burro, u macho u caballo, ta ir amontaus ta lo cambo, y portiar todo lo que una casa amenista.

Yera tan asinas, que en os lugars,
o poder d’as casas s’en mediban per mulas.

Una yunta de mulas, yeran dos mulas,
Dos yuntas cuatro mulas, ezt.

Como sabeban lo que se podeba labrar e n’un diya con una, dos, u cuatro mulas,
ya se i feban una ideya d’as tierras que teneba cada casa, y tamién d’o poderio economico y sozial de cada familia u casa.

Ye per iste amenistar d’os animáls per o que en teneban que cusirar-los muito.

Bueno pos unatra traza de rezar, y fer-li onra a lo Santo yera, aprobeitar a nueí d’o 16 a lo 17 de chinero ta fer bella borina n’a comunidá, u en cada casa, parando fogueras, en os branquils y puertas de cada casa, u mesmo una más grán que compartia todo ro lugar, ta fer-li onra a lo Santo, y ya de bet. parar bella lifara as casas qui podeban,
y qui nó, pos bella trufa, rustida u capeza d’allós adentraus en as zenisas.

Dende as anyadas 70 con o cambeyo d’a agricultura y ganaderia, per la industria, y l’albandono de tierras y lugars,
ixe costume d’as fogueras s’en ha iu trafucando, y, ne ha i plegau l’inte, que a chén zilebra a foguera,
sin saber,
ni o perque s’en fán,
ni o suyo sentiu maxico ta unos y esprital ta unatros.

En as zaguers anyadas dimpues de bellas chenerazións ya alexadas de ista cultura agricola,
y adentraus en a era industrial,
s’en continan fendo fogueras,
pero con muitas carenzias esprituals y maxicas,
pos as ne fan per fer una borina más, sin dengún atro sentiu que achuntar-se con bellos amigos un raté, u fer-sen bel tanganazo de bín y cosa más.