Os biellos e as retes

Buen diya GaRzeta.

Que difizil que emos todo,
as prexonas adentradas en anyadas,
con o «fazil que ye internet» mos dizen.

Pos ta nusatros es biellos ye un mundo empliu de poblemas, que difizilmén replecamos, con o que no podemos ni sabemos desembolicar-nos-ne.

Fan unos poquet años, cuan querebas mercar, u intresar-te per bella cosa,
yera tan fazil como gritar per telefon a ra botiga, taller ezt. y en un inte tenebas ra informazión, y abegadas, mesmamén se’n dixaba ya atrapaziau o poblema, y aguardando que te i plegase o produto a casa tuya, solo ebas de aber parau es diners, u aber feito un chiro, u bosar a contra remboso.

Isto biene a cuento, de que ta mercar unas cuerdas, con una balura no más d’un ziento d’euros, ya i lebo gritar tres begadas ta una botiga, y charrar con ers, y encara no sabo, ni tan sisquiera, si i ne- hán, ni cuanto cuestan, ni cuan es puedo rezibir ie.

Ye que soi como antisdayer, y como ayer.

Güe i torno a trucar y me’n dizen : Ha de fer o pedido per internet, li i nimbiaremos un albaran con preus ezt.

Con o simplo que ye.. pillar o nome y l’adresa, pillar noteta d’os articlos demandaus, dizir o balor a bosar en bella cuenta y una begada bosau n’o banco, fer o inimbiu.

Antimas cal adentrar lumeros secretos, ta que te cobren per internet, ( que nusatros no ne sabemos fer-ne, con o periglo que ye dixar lumeros per es retes.

Bueno amigos, que ta nusatros que ya i semos difuera d’iste mundo dichital, nos ne son fendo a tana, con isto d’internet y as bentas online.