O rebellar de la sangre

Ayer me dizie unos d’os miyos
chitos, y ancheles, que ya li
crexen as alas..

– ¿Que ye lo que te parixe,
que yó, de un brinco ta la plaza,
lolo…?

Me’n dixé un poqué narcau,
encara que…

bien ne sabié contestar-li, lo
mesmo que a yó mi lolo:

– As bacas y toros fillo…
bien estofadicos,
con un beire de bin ranzio
y un buén cantico pán,
acoflau en una mesa,
ta la gora de chentar.

No sabe lo que i ferá,
pero millor que ascuite a suyo
lolo,
que ta er no quiero dengún mal.