De como os escursóns se i podeban i tornar en dragóns

Ola GaRzetica, te i nimbiu o miyo cuento chicorrón, como no puestar d’atra traza.

Contaba un biello lolo, e n’ún carasol Moncayino, de como os escursóns, se i podeban i tornar en dragóns, per ista quiesta y mistica Redolada.

Iste biello qu’en mos contaba y no aturaba, yera yera un ome de tufa blanca, y a cara zentenaria, y rezentaba que es dragóns, en primeras yeran escursóns, u gripias, de colors pardos grisos, a los que cal aber medrana, per o bereno qu’en portan.

Tamien gosaba contar, como per aziden istas gripias, se gosan tornar dragóns, cuan ya han muitos anyos de bida, y han remaniu dica ixe inte, sin que denguna aliga u esparbeco, as ne abe-se pillau con as suyas unglas, ta mincha d’o suyo niedo, y es popiellos.

Seguntes diziba o biello, que si as gripias u escursóns eban la suerte de ser pisadas per bel follet, u bel nano, d’os naxius per a güecha, y qu’en biben y s’amagan per os arredols de Morana, como si esta-se per maxia espritual, a istos reptils, os n’en pueden tornar, en dragóns, a lo serbizio de o bién os omes y reinos.

Abegadas os ferfet, y nanos, son amagaus y biben per as tutas Celtiberas, d’Alberuela d’Añón y Vera de Moncayo, u a tuta d’Ambel u belatras muitas que o nuestro grán Cayo amaga, ta que a nusatros os umáns que mos ne han medrana, no ros ne podamos guipar y fer-lis dengun mal.

Mos continaba contando, cuan fan o cambeyo de gripias a dragóns tamien cambeyan o suyo bereno per fuego, dixando d’estar berenosos. Tamién ne rezentaba, como as flamas de fuego, qu’en escupen, y esgargallean si en ye menister.

U cuán os suyos amos lis ne mandan, ta fer muertos a furtadors y malas prexonas que no quieren fer o bién y biben ta fer o mal. Tamién esgargallean as flamas, cuán s’encarranyan, u quieren esfender as puertas d’o Castiello, que ye a suya casa.

Y continaba dizindo-nos-ne, que e n’o Castiello de Trasmoz, cutio, ta cusirar-lo, en eban bellos adomesticaus, ta esfender as murallas y as puertas, ta cuan bi eba asedios per enemigos moros,
que no quereban bibir con os cristianos, y con os Reis d’Aragón.

Mosne rezentó que bel diya, yera o tozal d’o Castiello en silenzio, y es dragóns que ne cusiraban adormius, dica que sintión que y plegaban bellas patadas de caballos.

Ascape surtie o mas biello dragón, escupiendo bellas flamas de fuego, y as malas prexonas,
que i quereban furtar o Castiello s’en faziorón un chiro con os suyos caballos, per a gran medrana qu’en tenioron, fuyendo como fuye o diaple per una rota enta Soria.

Yo dizirba que toz es aragoneses podemos de cuan en bet, i tornanos en fieros dragóns, si en ye menister, y mos ne troba-mos, con os nanos Moncainos, y os polius fer-fet.