Auguas de nieu

Ola Garzeteros d’o mundo.

Buen diya ta ra GarZeta, blincadora de contienentes,
portadora de todas notizias,
mesmo dá buenas u malas,
de todas,
grazias, mesacha.

Buen diya ta os tuyos amigos,
qu’encara no pueden brincar es mares,
pero que te’n tién a tú,
ta conoxer o mundo,
de primera mán.

Güei yó, ya te’n he bisto,
ten he prexinau,
he siu con tú grazias a Dabí (David),
ne yeras penchada n’o camál d’una tamarit,
tamarit afogau per as auguas,
regaladas d’a nieu,
d’os nuestros quiestos Pirines.

Ixas auguas de nieu,
que ascape belun ha de cacareyar, como es gallos..
que.. ne són auguas perdidas,
que se’n ban ta ra már.

Parixe que siga un pecau,
que a ra mar i plegue l’augua,
que d’a mar, ne ha saliu.

Ne son solo parolas umáns,
trafucadoras d’esmos,
y ziegas.

Parolas malbadas,
embolicadas d’a suya birtú..
la maldá,
ta engañuflar a ras prexonas de bién,
y que no puedan beyer a rialidá,
con ixa polida parola de
«soliralidá «.

Ye tan fazil ser solidario con o que no ye tuyo amiga..

Goyosa nueba semana.