A puerta d’o infinito

4 febrero 2023

Chuan Chuse Jaca Catarecha

Ola GaRzeta buen diya, tamién ta busatros quiestos gaRzeters.

Cuán l’alma la emos ferida,
y o corazón tamién,
semos tan poqueta cosa,
que nada podemos bier.

Qui no sofre bella begada, d’ixa malotiya??
qui no ne tornará a sofrir??
Y ye que.. anque pasen muitos anyos,
semos umans y,
y todos ne tornaremos
a sofrir.

Todos imos naxiu plorando,
y abegadas..
con una riseta, morimos,
ubrimos a puerta d’o infinito,
y mos ne imos.

A puerta ra emos cutio zarrada,
dica que i plega ra nuestra gora,
y sin dandalos ne ubrimos,
y d’un trango a nabesamos.

O infinito l’abemos trancau
con un trallo de caxico,
aguardando tardar muitos anyos,
en aber que nabesar-ie.

Un pochón ta totz, amigos d’o mundo.

s r

Deja una respuesta Cancelar la respuesta

Lo siento, debes estar conectado para publicar un comentario.

Buen diya Garzetica y toz es GaRzeters.

Os prexíns GaRzeteros d’ún maitín de plebia,
y muita medrana enta iste mundo,
qu’en zagueras mos ne ye pertocando ser bibindo, y que abremos desembolicar nusatros,
como nunca nó se i fazié e n’antismás.

Ye como si n’esta-se o chuego a ras Cucañas, trucando con un tocho a l’aire, con os güellos baixo un pañuelo negruz de seda, bien preto, ta capeza, e que no se beiga cosa per baixo.

Y ye que, o camín per a bida,
creigo que lo mos ne son dixando un diya zaga d’atro,
muito más difizil y empliu de ruellos,
que querendo u sin querer,
mos ne ba a pertocar blincar,
u escar belatro esbarre u camín,
qu’en podamos trobar más escoscau ta fuyir ie.

Prexino que a soziedá abra de trobar ie una bida más alcorde con os nuestros alazet culturals y umanos.

Pienso que las prexonas de bién,
difizilmén ban a poder blincar ixos zaborros que implen os camíns,
y que son u semos, a lo rafe d’ún l’abismo cultural,
y de trazas de bida,
y prenzipios de sentir.

Istos regles u leis umáns,
que mos ne dixoron os nuestros debampasaus,
ya i leban sieglos con nusatros,
y poqué a poqué, los mos ne quieren cambeyar,
como si n’estasen una bufada u sóflo de zierzo que mos arrozega.

Creigo que i semos e n’ún camín empliu d’estorbos y zaborros per o sulero,
que abremos de blincar y dixar dezaga, si queremos trobar ie bel esbarre,
y peteneyar dica ra lut de l’Astro que cutio mos ne ha iluminau.

Tiengo a sensazión mi quiesta GaRzetica,
que la bida cada begada en ye más difizil, per tot es entrepuzes, que mos surten y mos ne i fican cada diya más e n’a nuestra cutiana y simpla bida.

Ye como sí unas poquetas prexonas,
s’en acoflaran e n’una mesa,
sin denguna risponsabilidá,
i en podesen dezidir o nuestro esdebenidero,
e n’una partida de guiñote,
arrodiaus per milentas de drogas,
qu’en lis trestucan o tozuelo,
y no son capables de bier a bida reyal de as prexonas y a situgazión d’a soziedá, u, de o suyo país, d’o suyo mundo d’arredol.

Ye un como una mena de chuego,
que qui pierde a chugada, ha d’endrogar-se más si puestar,
y dizirdir bella cosa, encara que i siga una indinida, que sólo estando uns diaples, se’n podesen prexinar.

Perque d’un chuego feito a amagatóns, per prexonas endrogadas,
con as cartas marcadas,
sólo pueden risultar,
leis malbadas y sin garra umanidá ta una soziedá que confita en es suyos tautes,
¡No bi ha dreito!

Sisquia quiesta amiga,
que es mandamases, que mos ne han d’ubrir a rota e n’a bida nuestra,
lis ne biengan as buenas muxas, u as sabias bruixas,
y en troben la buena endrezera,
abentando todo mal ta es repuis,
y tot es diaples y diapleróns,
que i puedan trestucar-lis as capezas,
y abriendo a l’Astro, y o zierzo,
as finestras y balcóns,
y s’en lis pueda jorear es tozuelos y bier a bida reyal, de tas ras prexonas que han en as suyas máns.
¡¡Sisquia.. !!

C.C.J.C

Periódico digital de La rIBera alTa del eBro

La gaRceta de la Ribera

Diario digital, noticias de la ribera alta del Ebro

Chuan

A puerta d’o infinito

Chuan Chuse Jaca Catarecha

Deja una respuesta Cancelar la respuesta