A morfuga ye cambeyada

Buen diya Garzeta Ribereña.
As auguadas y rosadas d’antis más.

Aguada habemos,
as ribazeras son emplidas
d’augua,
es trigals ne son chipiaus,
asinas ye,
que no he podiu soltar a cocha ta que pode-se correr,
y con libertá,
pichar y cagar.

A morfuga ye cambeyada,
ya per marzo no i chela,
lo que güei ye solo auguada,
fan 50 anyadas yera chelo.

Lis clamamos n’aragones rosada,
a l’aguazón que s’ha chelau,
antismás en yeran tan gráns y tan blancas,
que parixeba nebau.

Os bisaltos yeran blancos,
tamien ne yeran as fabas,
y es cardos y as pencas,
parixeban espantallos.

Que dizir d’as oliberas,
que parixeban chigáns,
dica as onze u as doze,
qu’empezipiaba a regalar.

Es camins plenos de bardo,
d’ixe que plena o calzero,
y que si no parabas cuenta,
te’n podebas esbarizar,
y plenarte bien o culo.

Encara parixe de chanza,
no ne yé,
son es miyos remeros,
de fan mas de 50 anyadas,
de la miya pasada chubentú,
que’n a GaRzeta totz rezento,
ta que nunca ixublidetz,
que’n solo 50 anyadas,
la morfuga no ye a mesma,
y que a chen d’a miya chenerazión,
con a desincusa d’o progreso,
la ne abemos amolau.

Iste progreso ta yo ye..
pán ta güei,
y muita fambre ta maitin.