Un contino peteneyar

Buen diya GaRzeta.

Un nuebo diya quiesta amiga,
y un nuebo més, d’o rebes,
ye como una partitura,
que nunca no i remata.

Asinas ye a bida,
cutio ye un DC (dacapo),
sin anaclusas,
ni espazios,
sin lineas dibisorias,
ni silenzios,
sin calderones,
u reguladors.

Todo ye un contino peteneyar,
sin dengún ature,
y sin fer garra roido,
a lo menos es umáns que semos es suyos fillos,
no ne sentimos.

En yé un segundeyo d’as calendatas y estazións,
un prexín ta lo nuestro tozuelo,
que no atura de chirar,
arredol de si mesmo,
nunca no pensando,
en tiempos zagers,
perque no ha de memoria.

Solo l’infinito ye,
y nusatros es suyos fillos,
as suyas brancas,
que creyemos saber pensar,
encara que,
ne femos como er..
un DC sin fin.