O buelo da gaRceta

Buen diya GaRzetica,
¿Como lebas estuyos suenyos boladores?
En seguras que ne lebas bién.

Sabes chiqueta…
sapes que, que te’n caté,
te caté bién escoscadica,
blanca como a nieu zanzera,
¡que polideza ra tuya!

Asinas yo te’n beyé l’atro diya,
en uno de ixes tuyos curtos buelos,
per denzima d’as auguas,
de lo nuestro quiesto Ebro,
garimboleándo, sí,
y de piedra en piedra.

Quere-se yo estar garzeta,
ta poder bolar con tú,
y beyer dende l’alto,
todo que tú puet beyer.

Yés tú GaRzeta, de buelo tranquilo,
machestuoso dizirba yó,
os ne fás curtos y pandos,
de los que fan discansar,
y pensar en ixas nabes romanas,
que abioron de pasar,
ta quitar-lis a ra chén,
todo que lis-ne petaba,
u que lis beniba bién.

Te dixo GaRzetica,
que tiengas un diya felit,
y que dengún lo te amargue,
ta poder-ie escribir.

Dica maitín amiga.