Un abellar

Ista caseta amigos, GaRzeters,
en ye muchismo espezial, ye d’antis más..

No en ye ta acubillar-se os omes,
en yera ta acubillar as abellas en o món, «un abellar».

Güe i nimbio istas fotos perque prexino que muitos de busatros, nunca no abret beyiu uno asinas, u puestar que no aigatz beyiu denguno.

Iste abellar, como se i beye en as fotos, ye, y biyé, como i yera fan zien anyadas.

Encara ha un almario de fusta, penchau en una parete.
En l’atra y prenzipal, ha ras 12 arnas que se’n i beyen asaber-lo de bién, con os suyo tape cadaguna, feitos tamien como a resta de l’arna de cheso.

Istas arnas lis ne ficaban una mena de tubo de canya u miembrera, feito a ra mida per os cañizeros, y enronando-la de bardo, ( abegadas con güeña de bacumen ) as ne i ficaban en istos foraus d’a parete, ta que as abellas i ficasén o polen y a bresca que ne iban fendo con o suyo treballo cutiano, per as flors, romeros, tremonzillos ezt.

Como se puede beyer, per a foto de as canaleras, cada arna teneba un chiquet forau ta difuera ta que l’arna respirara y como dentrada y salida d’as abellas.

Cheneralmén en yeran feitas en os móns, con materials que daba a tierra en d’o se i feban, piedra, tierra y bel trallo ta chazas.
Abegadas ( no ye iste caso ) con bella branca que y trobaban per os arredols.

Iste abellar ye en Borxa, puestar que de los muitos que i bi’n eban, siga uno d’os millors alzaus. Encara que i sera per poque tiempo, pos a puerta ye ubierta, y con a puerta batalera, ascape os amigos de esboldregar as cabañas y as casas, i feran a millor fayena que’n saben fer,
crebar-lo dica a zaguer piedra.
Lastima que o suyo amo ( no sabo qui ye )no pare cuenta y tranque a polida puerta que encara ha, ta que no i siga escatumbau y cremau, por os escatumbadors de casetas, y espoliadors d’o patrimonio cultural, perque os abellars son un patrimonio cultural, ya cuasi perdiu, per ista soziedá d’o comsumo.