Chuan

Semos como es someros

Buen diya GaRzeta y chén.

De maitíns esguáns me’n meto,
per estar es maitíns frescos,
a meyo diya me’n quito,
toda ropa que me’n sobra.

Ye una tortura lebar,
penchau lo que no queremos,
ye una tortura lebar,
o peso d’o que mos sobra.

Podeba estar un gambeto,
u tamién cualsiquier tricot,
pero tamien l’amargura,
de cualsiquier padezer.

En ista bida que abemos,
cadaguno de nusatros,
semos como es someros,
naxius ta lebar peso.

Todos naxemos sin carga,
aguardando-nos-ne bi ha un baste,
que mos ne lo pone ascape,
a bida que mos pertoca.

Poque a poque sin denguna prisa,
tot es diyas mos ne carga bella cosa,
china chana mos ne pencha,
dica no podemos más.

Mos ba cargando de penas,
que i plegan ta o corazón,
mos ye cargando de malos ratos,
y de peyors esperenzias.

Tamién mos ne mete buenas,
con istas no ne abemos de cuidau,
son esperenzias polidas,
que ni pesan ni fan mal.

Sisquia i plege bel diya,
que tot es nuestras cargas d’ista bida,
estén buenas,
d’as que no ne pesan.

s r

Deja una respuesta

Esta web utiliza cookies propias y de terceros para su correcto funcionamiento y para fines analíticos. Al hacer clic en el botón Aceptar, acepta el uso de estas tecnologías y el procesamiento de tus datos para estos propósitos. Más información
Privacidad