San Antón

Buen diya GaRzeta y tamién ta totz es gaRzeters d’o mundo.

Ayer estió San Antón,
dezisiet (17) de Chinero,
patrón de todos es animáls,
mesmo de nusatros,
que tamién ne semos,
encara que mos ne ixublidemos.

Ye diya de fogueras en o suyo onor, y,
cutio per a nuestra tierra ne hemos feito
y dimpues de sieglos,
ya en ye una tradizión.

Como con todas as tradizións y costumes, que ne han i plegau d’os nuestros debampasaus,
nusatros, ista soziedá d’o consumismo, i semos
desbirtuando-ne,
dica que se’n tresbatan ta cutio,
perque a chén no repleque o sentiu,

En cuasi todaz ziudat u lugars y en istas zaguers ya cuasi más de 30 u 40 anyadas,
as rilazionan con o consumismo,
y ta zilebrar a fiesta, han d’estar en cabos de semana,
perque parixe que ne ha d’aber muita más chén que acuda a ras fogueras y as zilebrazións.

Pero bi ha bel poblema que..
en as fogueras y zilebrazións,
se’n ixublidan d’o sentiu,
y o perqué de istas zilebrazións.

Me pienso que cambeyar es diyas de fiesta, ye una esferra,
y que de continar per iste camín,
as fogueras ne plegaran a dixaparexer en poquetas anyadas.

Sisquia nunca no puedan dixaparexer, encara que ne siga solo per a tradizión.