Os bancos corrius

Buen diya GaRzeta y gaRzeters.
Güei totz i nimbiu ista afoto, feita en una chicorrona plaza de la Chuderia d’Alagón.
Ta yo a plaza ye asabelo de majeta, pero lo que más goyo me fa ye ixe «banco corriu» que i bi’n-ha al costau d’branquil d’a puerta.
Ye un banco d’obra y puestar que i siga o zaguero en a Billa. Antismás en cuasi todas as casas d’os lugars i bi’n-eba beluno.
Yera emplegau, ta asenta-se, ta puyar en o burro, ta es mullers en as tardes d’estiu ta fer media, ta fer-sen a charradeta per as nues d’estiu a ra fresca, ta tomar o sol es biellos n’imberno.
En bellas casas solo en teneban bella piedra grán, que antimas de istes menisters, ne emplegaban ta l’imberno en a matazia ta peso ta que quitaran l’augua es permiles dimpues de salaus (a mena de prensa). Yera un posiento que cutio ne teneban todas as casas, que nunca no se i crebaba, y que s’emplegaba a diario. Cuan beigatz beluno abetz de saber que pueden lebar en d’o ne trobetz zientos d’añadas. 💐🎷🎻