O zebismo

Buena nueí GaRzetica.

Aguardo amiga de grandes alas,
no estorbar-te a istas goras,
si esta-se-ie lo miyo paí,
me’n dizirba que no te’n escribi-se,
perque seguntes es suyos prenzipios «No son goras».

Que ye gora d’adormir,
ye exclatero,
y que a nueí ye ta discansar,
tamién en ye,
pero yo raí,
yo terne que terne,
no li ne foi garra caso,
y contino con es miyos prexíns y o puntero «mesacha».

Ya beyes como soy,
escribin-do-te as fatezas,
ta i nimbiareos-né,
a tot es gaRzeters.

A lo somarda ne foi,
como qui no quiere a cosa,
y puestar que’n siga,
ta feros a tana a todos,
si ye asinas,
totz-ne pido desincusas.

Es omes d’antis más,
teneban o buen costume,
de precurar no estorbar,
ni amigos ni es bezíns,
güei imos pillau l’andrezera,
de fer todo d’o rebes,
si estorbo que se’n aguanten,
sin pensar en es demás.

Imos perdiu o zebismo,
y un poque a bergüeña,
femos lo que mos agana,
de maitíns,
de tardis,
y de nueís,
y qui no pueda dormir,
que se’n flora y que no duerma,
yo soi o primer.

Ya.. buen diya GaRzetica.