Morziellas, churizos, longanizas y guarreñas

Buen diya GaRzeta boladora.

De cheladas y rosadas
en chinero no mos mancan,
ne son buenas ta fer a matazia,
y o mondongo dimpues.

Yeran buenas as morziellas,
que feban en antismás,
as ne feban as nuestras lolas,
con l’aimor mas que atra cosa.

As ne feban con arroz u migas,
y la sanguina d’o tozín,
y dimpues yeran cozidas,
en as calderas que de cobre ne teneban.

Tamien mos feban churizos,
longanizas y guarreñas,
y os perniles y blancos,
salaus y con pimentón ,
as ficaban baxo ro peso,
de losas y grandes piedras.

Dimpues a los quinze u bente diyas,
lis ne quitaban o peso,
de las losas y ras piedras

Dimpues de bien paradicos,
y ya quitada ta l’augua que ne lebaban,
ta lo granero ne puyaban,
chunto con os churizos y morziellas,
que’n asti-ie, ta o zierzo,
n’as canas penchadas,
ya cuasi secas, ne yeran.

Y ya dica meta d’estiu,
n’as casas de carne,
y de chullas de tozin,
nunca no mancaba.

Cuanta sapienzia teneban,
as nuestras quiestas mais y lolas,
que agora n’emos perdiu.