Mes D’Abiento

Buen diya GaRzeta y quiestos gaRzeters.
Iste mes D’Abiento (de Diciembre) se fá muito curto,
«ta yo o més mas curto de l’añada».

Isto prexino que’n ye,
perque abemos muitos quefers,
muitas autibidats a d’o i plegar,
conziertos, trobadas familiars,
chentas con amigos,
con a familia,
o diya que no abemos una autibidá ne abemos dos.

Isto estarba muito poliu,
si no n’esta-se perque ye o més, mas consumista.

Es grandes almazéns y supermercaus,
mos embolican dende ya fa un més,
con ixa «zienzia malbada»
emplida de diaples,
que se i clama Marquetin.

Una asinatura, que solo ye güena ta es poders economicos,
y malbada ta ras familias,
más que más ta muitas familias con a malotia sicoloxica d’o consumismo.

N’antis más as familias no gastaban bella perra perque no ne eba,
y qui podeba, teneba o sentiu de alzar es diners,
per si beniban mal dadas y eses diners ne amenistaban cualsiquier familiar.

Ye una penica,
que a senzillet de d’Abiento, y es diyas de Nadal y Reis chunto con o cabo d’año,
se’n aiga cambeyau per, un consumismo que a muitas familias lis ne leba,
a mo poder cumplir con as obligazións economicas que han.

Bueno amiga GaRzeta y gaRzeters,
que no tot engañufle o malbau «marquetin»
y es diaples que ha ista zienzia «Sin Conzenzia»

Buena tardi ya, una abrazada.