Cayen as fuellas

Ola GaRzetica, buena tardi.

Cayen as fuellas,
milentas,
zientos de milentas,
o sulero en ye empliu,
como es omes,
millóns cada diya,
ye l’agüerro,
qui as ne empenta,
perque ye gora,
a suya bida,
ye rematada.

Asinas mesmo,
semos es umáns,
cuan mos pertoca,
como as fuellas.
Ne semos embolicaus per a tierra,
como as fuellas cuan mos pertoca,
mos ne femos fiemo,
ta que es plantas tiengan comida.

Que más poliu,
quel estar fiemo,
y que a nuestra fuesa,
i siga en tierra,
ta dar a bida,
a bella planta,
más que más
si en ye florida.

Que pribilechio,
que ye estar fiemo,
si o nuestro cuerpo,
ye un rosal,
con dulzas rosas,
que dan prefume,
a un campo santo,
pleno de frutals,
que dan muitas fruitas ta qui ne quieran minchar.

Cayen as fuellas con o agūerro,
cayen es omes,
per estar biellos,
ta fer-sen fiemo ta embolicar,
es campos santos de cualsiquier lugar.

No aigamos miedo,
no pasa cosa,
que a nuestra bida,
asti no remata
no aigamos medrana,
cuan o nuestro cuerpo,
se’n torne en fiemo,
unatros sers son alguardando,
ta dar-nos-ne bida,
en cualsiquier planta.