Benus

Buen diya GaRzeta y tamién ta t@tz garzeters.
Una mastina d’os Piriners, «zinco meses há» ye un nuebo aimor en a miya bida. Era duerme cutio a los miyos piet, estirazada n’o suelo. Es mastíns d’o Pirineo son una raza de cáns prou espezial, dulzes, suaus, y templaus. Es mastos pueden plegar a pesar nobanta u zien kilos. Y d’altaria güitanta zentimetros dica a crut. Y as fembras, sitanta zentimetros y güitanta kilos. Es pastors es hán, ta esfender ganaus, per a suya sapienzia, fortaleza, y fiereza, cuan ye menister esfender es ganaus y a casa. Parixe estar que es trayoron es fenizios, fan ya milentas d’añadas, y per suerte se’n quedorón en es nuestros Piriners. Ista fembra que beyet, solo ha zinco meses, o suyo peso ye de betizinco kilos, ye asabelo de buena. Agora ye cambeyando es diéns y esmolars, con o que se’n pasa o diya fendo pitanzas con a boca cualsiquier traste que li fa goyo, u li truca o ficazio. Una mastina aragonesa, zereña, dulza y aimada. Asinas ye a quiesta Benus.