As notas y as letras mosicals

Buen diya GaRzeta.

A mosica en a nuestra existenzia, GaRzeta,
sabes que ye balsamica,
ye muito más que notas,
ye nuestro corazón, que
traqueteya en a nuestra bida.

Cuan tañemos bella canta,
es güellos leyen as notas,
y a ra belozidá que ne leyen,
es didos as executan.

Abegadas estan alegriya,
unatras de grán tristura,
en atras mos dizen polidezas,
y tamién puen no dizir cosa.

No ye difizil fer una canta,
tampo nó ficar-ne n’un papel,
pero si mos cuenta bella istoria
ixo ye de lo más o millor.

Todos cuán escribimos un suenio,
y feito en papel pautau,
con a letra, y con as notas,
a ne i ficamos con tintura,
ta nunca ya ixublidar.

Podemos estar analfabetos
u bellos mal escolanos y sin escolarizar,
pero dende que i semos bién
ninos,
todos sabemos cantar.

A mosica ba en as nuestras benas,
ye a nuestra millor sanguina,
ba a belozida supersonica,
sin fer-nos sofrir infartos,
ye lo que más corre en nusatros.

A letra ra cantaremos,
si ne queremos cantar, y,
si entendemos bién as notas,
y as mos podemos en lo peito adentrar.

Naidie mos puede dizir,
que mosica ye millor,
todas ne han bella cosa,
que cualsiquier podemos aimar.

Amigo Ebro ye una canta de nusatros, GaRzeta, de gaiters de Morropreto que charra d’o nuestro Rio y a nuestra tierra y es suyos güertos.
Todo un omenache ta nuestra bida.